【求學不是求分數，但我還是勸你拿高一點分數】
每年放榜都會見到好多人講求學不是求分數
出嚟做野基本上無人會care你當時拎咗幾多分
操行有無A、有無記過缺點、番學有無遲到早退⋯
that's true，但我依然想叫你盡力去爭取最高分數。
雖然考第一都唔代表係叻人、係好人、係好特首
雖然成續好做到AO做到高官都一樣禽獸不如
成續同分數唔能夠反映一個人嘅人格
亦都唔完全顯示到一個人嘅能力同本事
不過我始終認為你爭取嘅唔只係「高分」
而係「選擇權」。
條條大路通羅馬，
但擁有高分你就如有錢選擇搭飛機一樣，直達羅馬
畢竟大學呢張入場券就係以分數去決定
高分唔代表你更本事，但一定代表你有更多選擇權。
就如有人會話有錢唔係萬能
有錢都買唔到愛情、健康、快樂⋯
係，不過有錢就可以有好多選擇權去尋找愛情、健康、快樂。
一個人要過得自由快樂，首先要掌握得到自己嘅人生
每個階段我哋都有可以爭取更多選擇權嘅機會
對於學生，就係公開試。每個人都有唔同嘅能力
盡力去爭取自己現階段最大嘅選擇權，
就已經係一個對自己盡責嘅人了。
作為一個老姐姐，我可以話你知分數真係唔撚緊要
但選擇權就好好好好重要。
唔想一世畀其他人（包括你老闆你家人）同現實一齊揸住你春袋
就要令自己成為一個有得Say嘅人。
祝考試順利。
IG：@hkgirlfriend
FB：港女友
Search